Reginald Mengi afariki

Mwenyekiti wa  Makampuni ya IPP, hayati  Reginald Mengi , akishaurina jambo na Katibu Mtendaji wa Baraza la Habari Tanzania, Kajubi Mukajanga, wakati wa sherehe za Umahiri wa Uandishi wa Habari Tanzania (EJAT) 2015. Kulia ni  aliyekuwa mgeni rasmi  wa EJAT, Mwenyekiti wa  Tume ya Haki za Binadamu na Utawala , Bahome Nyanduga.

Mmiliki mkubwa wa vyombo vya habari Tanzania, Reginald Mengi, amefariki. Taarifa ya kifo chake ilitangazwa mapema Alhamisi  Mei 2,2019 na vyombo vyake  vya habari – Radio One na  kituo cha runinga cha  ITV.

Watangazaji wa vituo hivyo walisoma taarifa fupi: Tunasikitika kutangaza kifo cha Mwenyekiti wa Makampuni ya IPP, Reginald Mengi  kilichotokea  Dubai usiku uliopita.Mungu aiweke roho ya Mwenyekiti  peponi.

Haabari hiyo haikuwa na maelezo zaidi.

Mengi  amekuwa  mtu muhimu katika vyombo vya habari vya Tanzania akimiliki magazeti makubwa ya– The Guardian  na  Nipashe.

Pia alimiliki kituo cha  runinga cha Indrependent Televisison  na chaneli kadhaa  ikiwa pamoja na Capital TV  na   East Africa TV.

Alianzisha  biashara zake za vyombo vya habari  mapema miaka ya 90 kufuatia sera ya kiuchumi ya kiliberali iliyoanzishwa na Rais wa awamu ya pili, Ali Hassan Mwinyi.

Wafanyabiashara wengine  waliingia  kwenye biashara ya vyombo vya habari kwa kuanzisha vyombo vipya ama kwa kununua vilivyokuwepo kama kampuni ya New Habari na  Azam Media

Mengi  alikuwa  Mwenyekiti  mwaznislishi wa  wa Chama cha Wamiliki wa Vyo mbo vya  Habari Tanzania (MOAT) nafasi aliyosbhikilia  hadi alipofikwa na umauti.

Jina la mengi ni maarufu katika jamii  kutokana na desturi yake ya  kusaidia watu wenye  changamoto kimaisha katika jamii.